Scroll to top
Kunnandi fundur um kanningarloysn fra Amplexa Genetics

Kunnandi fundur um kanningarloysn fra Amplexa Genetics

02/05/2019

Kom og hoyr um møguleikan at verða kannað fyri 12 ílegu-úrbregði, ið elva til 9 ymiskar sjúkur, sum koma lutfalsliga sera ofta fyri hjá føroyingum.

Fundurin verður 29. apríl kl. 20 á Parnassinum, Hotel Hafnia.

Í minsta lagi triðihvør føroyingur er berari av minst einari av føroysku ílegusjúkunum, vísa tøl frá vísindaligum greinum. Men allarhelst er talið enn hægri tí ongi tøl eru fyri fleiri av sjúkunum.

Sjúkuberi og sjúkur er hvør sítt; tað er als ikki vist, at ein sjúkuberi hevur nøkur sjúkueyðkenni. Men sannlíkindini at fáa sjúk børn eru stór, um sjúkuberi finnur sær maka við sama úrbregði. Og sannlíkindini fyri, at tað hendir, er størri, tá so nógv í sama landi eru í ætt.
Eru bæði foreldrini berarar, so er tað sannlíkt, at helvtin av børnunum eru berarar og ein fjórðingur eru sjúk, meðan seinasti fjórðingurin ikki ber íbregðið.

Fleiri av føroysku sjúkunum kunnu viðgerðast, um viðgerðin byrjar tíðliga. M.a. CTD og  HLCS kunnu báðar viðgerðast við kostískoyti. Aðrar sjúkur kunnu ikki lekjast, men tá kann viðgerð kanska linna um møguligar komplikatiónir – um sjúkan verður uppdagað nóg tíðliga.

Kunnandi fundurin er ókeypis.

Meira um....

Samband við okkum