Scroll to top
Amplexa Genetics hevur víðka kanningarmøgulaikan við 3 sjúkum afturat

Amplexa Genetics hevur víðka kanningarmøgulaikan við 3 sjúkum afturat

19/06/2019

Amplexa hevur víðkað kanningina.

Frá juni 2019 eru 3 sjúkur lagdar afturat teim 9 vit higartil hava kannað fyri. Sostatt kanna vit nú 16 ymisk íleguúrbregði í 12 sjúkum.

Tær nýggju sjúkurnar í kanningini eru

  • McArdle sjúka (vøddasjúka)
  • Encefalopati (heilasjúka)
  • Bardet-Biedl (ávirkar ymisk gøgn, millum annað eygnasjúka og nýratrupulleikar)

Í minsta lagi triðihvør føroyingur er berari av minst einari av føroysku ílegusjúkunum, vísa tøl frá vísindaligum greinum. Men allarhelst er talið enn hægri tí ongi tøl eru fyri fleiri av sjúkunum.

Sjúkuberi og sjúkur er hvør sítt; tað er als ikki vist, at ein sjúkuberi hevur nøkur sjúkueyðkenni. Men sannlíkindini at fáa sjúk børn eru stór, um sjúkuberi finnur sær maka við sama úrbregði. Og sannlíkindini fyri, at tað hendir, er størri, tá so nógv í sama landi eru í ætt.
Eru bæði foreldrini berarar, so er tað sannlíkt, at helvtin av børnunum eru berarar og ein fjórðingur eru sjúk, meðan seinasti fjórðingurin ikki ber íbregðið.

Fleiri av føroysku sjúkunum kunnu viðgerðast, um viðgerðin byrjar tíðliga. M.a. CTD og  HLCS kunnu báðar viðgerðast við kostískoyti. Aðrar sjúkur kunnu ikki lekjast, men tá kann viðgerð kanska linna um møguligar komplikatiónir – um sjúkan verður uppdagað nóg tíðliga.

Meira um....

Post a Comment

Samband við okkum